Manuel María - As miñas primeiras Letras Galegas

Pili disfrázase de Manuel María para contar unha historia de marionetas que escribiu el. Titúlase Barriga Verde, que era o nome dun teatriño de monicreques que percorría as feiras galegas na época do autor. Trata dunha moza que quere casar e ten dous noivos: o Serrador e o Galego. Este último será o elixido mais o outro non queda conforme… Ademais de teatro, Manuel María escribiu poesía e contos, foi político e abriu unha libraría coa súa muller Saleta en Monforte de Lemos.