Eduardo Pondal - As miñas primeiras Letras Galegas

As miñas primeiras Letras Galegas é a nova colección dos Bolechas destinada a que as cativas e cativos coñezan os persoeiros aos se lles dedicou o Día das Letras Galegas. Para iso Pepe Carreiro elixe unha obra de cada autor e convértea nun entretido conto no que o lector vai descubrindo quen é o personaxe ao tempo que goza dunha aventura típica dos Bolechas.

No primeiro volume, Eduardo Pondal narra a descuberta de América a través dos versos d’Os Eoas. Algúns dos termos máis complexos da obra son explicados ao final a xeito de sinxelo dicionario para permitir unha maior comprensión. A forma máis divertida de coñecer os nosos autores!