Carlos quere saber que pasaba na época dos seus tataravós. Pero a historia empeza moito antes, cando os humanos nos pareciamos máis aos monos que ás persoas. Pouco a pouco fomos evolucionando, aprendemos a cultivar a terra, a manexar moitos instrumentos, descubrimos novos mundos e inventamos unha chea de cousas…
Sonia sabe facer algunhas tarefas da casa, como varrer, recoller os xoguetes ou pór a mesa. Mais outras, como tender a roupa, son moi difíciles. Sempre pilla os dedos coas pinzas! Imos ver que labores hai que facer na casa para tela limpa e organizada e como podemos axudar os maiores.
Pili quere aprender a cociñar para facer un programa na tele, pero para iso ten que saber moito. Con ela e co resto dos Bolechas aprenderemos moitas cousas sobre a cociña: que utensilios se usan, como se pon a mesa, formas de cociñar, tipos de alimentos e mesmo comidas típicas de moitos lugares do mundo. Bo proveito!
Braulio quere ser director de orquestra cando sexa maior. O caso é que aínda non sabe moito de música. Con este libro imos aprender que é a música, que cousas producen sons, que tipos de instrumentos hai, estilos musicais… No próximo festival da escola Braulio vai acompañar con maracas unha canción caribeña con moito ritmo!
Chispa é un animal doméstico. El non ten que buscar comida e un sitio seguro para durmir. Mais non todos os animais o teñen tan doado. Os animais salvaxes deben buscar a súa propia comida e teñen que durmir cun ollo aberto por se veñen comelos… Mais tamén andan libres e poden ver as estrelas pola noite… Imos coñecer un pouco mellor algúns destes animais!
A Tatá gústalle moito mirar o peixe do seu acuario pero é un bebé e non sabe que no mar viven millóns de peixes xunto con outros animais, algas e plantas. Con este libro aprenderá moitas cousas sobre os océanos, coñecerá as diferentes zonas que o forman e quen habita en cada unha delas.
