OS BOCHECHAS

Os seis irmáns, protagonistas principais dos Bolechas, son Carlos, Pili, Loli, Braulio, Sonia, Tatá e a súa inseparable mascota, Chispa. Xunto coos protagonistas, aparecen habitualmente outros personaxes: pais, avós, curmáns, amigos, veciños…

CARLOS

É o irmán maior. Ten 7 anos e é, por tanto, o máis responsable e o que fai fronte ás situacións máis comprometidas, aínda que non sen medo. É o que máis relación ten con Chispa, o can da serie; é moi comellón, algo bruto e os seus xoguetes favoritos son os bonecos tipo “Supermúsculos”.

LOLI

Xunto con Pili, a súa irmá xemelga, é a segunda en idade (uns 6 anos); é inqueda, activa, positiva e un pouquiño frívola; xoga tanto con coches teledirixidos coma con bonecas

PILI

É parecida á súa irmá xemelga pero un pouco máis seria. Gústanlle os oficios asociados tradicionalmente co mundo masculino: mecánica de automoción, carpintaría etc.

BRAULIO

É o terceiro en idade (5 anos). É tímido e non se deixa ver nu nin na intimidade. É o máis cerebral dos irmáns e algo despistado; gústanlle os instrumentos de música e os ordenadores, ademais doutros xoguetes de tipo “científico”.

SONIA

É a cuarta en idade (3 anos). É caprichosa, un pouco "maruxa" e algo contista e acusona. Ten moitos mimos e gústanlle as princesas e andar con cousas de mulleres adultas: bolsos, zapatos de tacón, barra de labios. Os seus xoguetes favoritos son os relacionados cos salóns de peiteado e a estética.

TATÁ

É o máis pequeno da familia (9 meses). Aínda non fala nin anda. É un bebé serio e curioso, pouco dado ás cousas propias da súa idade; a súa compañía inseparable é o chupete; lévase ben con Chispa, probablemente porque ningún dos dous fala.

CHISPA

O can da familia é un husky siberiano que sempre está cos seus donos; a súa presenza, aínda que discreta, faise notar. É un can de peso, pouco dado a ladrar sen motivo.

Papá Bolechas

Moi tranquilo e paciente, comparte habitualmente xogos cos seus fillos. Chámase Daniel.

Mamá Bolechas

Chámase Amparo e é unha nai doce e cariñosa.

Avó Marcelo

É o avó materno e está casado con Balbina. É rubio, como Carlos e Braulio.

Avoa Balbina

A avoa materna é loura, igual que a súa filla, Mamá Bolechas, e as súas netas, as xemelgas Loli e Pili.

Avoa Flora

É a avoa paterna. Morena, como Sonia, ten outro fillo chamado Lisardo.

Avó Emiliano

É o avó paterno e, polo tanto, marido da avoa Flora. Ten o pelo cano, igual que o bigote, e encántalle contarlle historias aos netos.

Tía Camila

Muller do tío Lisardo e nai dos primos Sarela, Ying e Kofi.

Tío Lisardo

É o irmán de Papá Bolechas e está casado coa tía Camila, con quen ten tres fillos.

Curmá Sarela

Filla biolóxica dos tíos paternos.

Curmá Ying

Filla adoptiva dos tíos paternos. É de orixe chinesa.

Curmán Kofi

Fillo adoptivo dos tíos paternos. É de orixe africana.

Fusco

Can dos primos Sarela, Ying e Kofi.

Lusco

Can dos primos Sarela, Ying e Kofi.

Tía Lupa

Irmá de Papá Bolechas; está casada co tío Agostiño.

Tío Agostiño

Marido da tía Lupa e pai de Saladina.

Curmá Saladina

Filla dos tíos Agostiño e Lupa e prima dos Bolechas. É aínda un bebé, como Tatá.