Os Bolechas levan a 'porta dos Camiños' por toda Galicia

Os Bolechas volven cunha nova xira da man do programa de dinamización lingüística FalaRedes. Ata o 29 de novembro pasarán por 21 localidades galegas cunha proposta centrada no Camiño de Santiago.


22 de setembro de 2020



O Museo do Mar de Galicia acolleu a primeira función da nova proposta para a cativada, Os Bolechas e a Porta dos Camiños. Nesta nova aventura Carlos, Loli, Pili, Braulio, Sonia e Tatá terán que botarlle unha man ao programador informático Haker Mater para poñer a punto a Porta dos Camiños, unha máquina que lles axuda a elixir un dos moitos Camiños de Santiago ás persoas que queren peregrinar e non saben por que vía facelo. Para conseguiren que funcione a máquina, os cinco irmáns, acompañados do seu can Chispa, necesitarán a axuda do público, que se divertirá e aprenderá mentres participa neste reto.

Os Bolechas e a Porta dos Camiños está dirixido a nenas e nenos de catro a oito anos aínda que toda a familia pode gozar deste espectáculo que percorrerá 21 localidades e entidades pertencentes á Rede de Dinamización Lingüística. Ademais, todas as persoas que vaian a unha das funcións poderán participar no concurso da web do espectáculo poñendo a palabra clave que se da en cada vila. Nesa páxina atoparán tamén toda a información da xira: datas, localidades…

Especial seguridade

Por mor da situación provocada pola pandemia que estamos a sufrir, o acceso é máis limitado, polo que hai que reservar e informarse das condicións requiridas en cada localidade para cumprir escrupulosamente coas medidas de hixiene, distancia de seguridade etc.

Axenda

VIGO: Museo do Mar

19 de setembro - 12 horas

 

O GROVE: Casa da Cultura Manuel Lueiro Rey

19 de setembro - 18:30 horas

 

FRADES: Multiúsos Municipal

26 de setembro - 11:30 horas

 

RIBEIRA: Auditorio Municipal

27 de setembro - 18 horas

 

VILAGARCÍA DE AROUSA: Auditorio Municipal

3 de outubro - 18 horas

 

BOQUEIXÓN: Casa da Cultura de Camporrapado

4 de outubro: 12 horas

 

ABEGONDO: Centro Cultural O Salón

4 de outubro - 18 horas

 

PONTECESO: Aldea do Couto

17 de outubro - 12 horas

 

CERCEDA: Auditorio Municipal

17 de outubro - 18 horas

 

ROIS: Auditorio Municipal

24 de outubro - 12 horas

 

LALÍN: Salón Teatro

24 de outubro - 18:30 horas

 

GUNTÍN: Casa da Cultura

31 de outubro - 12 horas

 

ARTEIXO: Auditorio do Centro Cívico Cultural

7 de novembro - 12 horas

 

A CORUÑA: Centro Ágora

14 de novembro - 12 horas

 

SANTIAGO DE COMPOSTELA: Centro Sociocultural de Vite

14 de novembro - 18 horas

 

OLEIROS: Centro Cultural A Fábrica

15 de novembro - 12:30 horas

 

BARRO: Nave da Música

22 de novembro - 12 horas

 

TUI: Edificio Francisco Sánchez (Área Panorámica)

28 de novembro - 12 horas

 

OURENSE: Auditorio Municipal

28 de novembro - 18 horas

 

MONDOÑEDO: Auditorio Municipal Pascual Veiga

29 de novembro - 12 horas

 

NARÓN: Pazo da Cultura

29 de novembro - 18 horas









Arquivos