Os Bolechas acompañaron os Reis Magos na cabalgata da Coruña

Os Bolechas participaron, xunto con outras estrelas da programación infantil da TVG, na cabalgata de Reis da Coruña.




As estrelas da programación infantil da TVG acompañaron o sábado 5 aos Reis Magos na súa chegada a Galicia, concretamente na cabalgata da Coruña. Os Bolechas percorreron as rúas nun vehículo decorado para a ocasión xunto con outros personaxes do Xabarín Club.

O autobús infantil da TVG foi unha das principais atraccións da tradicional cabalgata de Reis da cidade herculina, onde milleiros de nenos puideron ver e saudar os seus personaxes preferidos da canle autonómica. Pero tamén foi un dos protagonistas da programación da televisión pública galega, que centrou a súa programación da tarde na chegada das Súas Maxestades a Galicia.

O programa A Revista da Tarde contactou tamén co Lugo, Vigo, Ferrol, Pontevedra, Ourense e Santiago, aínda que foi A Coruña a base central das conexións. Alí estaban os reporteiros Quique Morales e Iria Soengas. Tamén a Radio Galega fixo unha especial cobertura do evento en combinación coa actualidade deportiva no serán do sábado.









Arquivos