Os Bolechas participaron na inauguración da Semana Mundial da Seguridade Viaria na Infancia organizada pola DXT en Madrid. Os irmáns, que acudiron no seu autobús, coñecer o centro de control da DXT e participaron nas propostas para conmemorar esta data.
04 de maio de 2015
Os Bolechas, participaron xunto con máis dun cento de nenas e nenos nas actividades desenvolvidas pola Dirección Xeral de Tráfico en Madrid con motivo da Semana Mundial da Seguridade Viaria na Infancia. A directora xeral da DXT, María Seguí, foi a encargada de dar a benvida e, tras a proxección de vídeos e a lectura da “Declaración dos Nenos para a Seguridade Viaria”, respondeu ás dúbidas sobre educación viaria que lle expuxeron os pequenos, que puideron coñecer tamén as instalacións da DXT, en especial o espectacular centro de control. Os escolares pudieron gozar das actividades de autobús dos Bolechas así como das propostas da carpa, dividida en tres espazos: un de comunicación, con contacontos sobre seguridade viaria; outro de redacción, no que os escolares escribiron os seus desexos e suxestións sobre cuestións relacionadas coa educación e a seguridade viaria, e un espazo de fotos onde os nenos podía fotografarse coa súa mensaxe e cos Bolechas. Os propios personaxes fixeron as súas achegas sobre o tema con varias propostas para concienciar sobre a necesidade de fomentar a educación viaria. Precisamente este é o obxectivo da ambiciosa proposta da DXT da que son protagonistas, destinada a fomentar a seguridade viaria na franxa de poboación máis nova e comezar así a concienciación desde os primeiros anos, algo esencial para lograr unha mellor implantación da mensaxe e a súa cumprimento por parte de todos ao longo da nosa vida. Material impreso e dixital Para iso a Dirección Xeral de Tráfico conta cun novo material ideado e elaborado pensando nos máis novos e destinado a fomentar a seguridade viaria en múltiples aspectos da súa vida diaria: como peóns, como viaxeiros, como ciclistas, etc. En total son cinco libros, cada un cun conto no que se mostra un aspecto da educación viaria, e un caderno de exercicios e actividades para divertirse mentres se fixan os coñecementos adquiridos. Este material compleméntase cun caderno de exercicios e actividades con propostas para distintas idades de modo que todas as nenas e nenos poidan gozar deles á vez que consolidan os seus coñecementos sobre o tema. Todo isto completarase moi pronto cunha web específica sobre educación viaria cos Bolechas tamén como protagonistas, na que se poderá obter máis información a través de novas actividades, xogos interactivos adaptados aos máis pequenos e mesmo unidades didácticas que servirán de axuda tanto á DGT como a pais e profesores para adentrarse no ensino da educación viaria.