Para coñecer mellor os irmáns Bolechas, Pepe Carreiro vén de crear unha colección de libros sobre cada un dos personaxes principais. Son sete títulos dos que tres están xa á venda nas librarías e na Tenda dos Bolechas, a tenda online que abrimos a semana pasada para ofrecer a todas as seguidoras e seguidores os libros dos Bolechas e outros produtos dos seus personaxes favoritos.

Tres títulos xa á venda

Editados por Bolanda, os novos títulos dispoñibles xa á venda son: O libro de Carlos, O libro de Tatá e O libro de Chispa. Proximamente a colección irá completándose co resto dos irmáns. Os libros, de tapas duras e gran formato, serven para dar a coñecer a cada un dos personaxes principais da familia Bolechas.

Canto pesan e miden, que número calzan, onde dormen, cal é a súa comida favorita, como é o seu cepillo de dentes ou como eran de bebés, son algunhas das respostas que atoparedes en cada un dos libros, que están á venda ao prezo de 17 euros, incluído o peluche do personaxe protagonista. 

Dispoñibles na Tenda dos Bolechas

A Tenda dos Bolechas ten xa á venda os novos títulos na sección de libros, onde tamén están os tomos dispoñibles da Biblioteca Básica, os libros de Formato Clásico e outras publicacións dos Bolechas, como guías, o libro-disco ou o curso de inglés, entre outros. A tenda conta, ademais, con outras dúas seccións: accesorios e cuncas, cos que tratamos de dar resposta ás múltiples peticións dos milleiros de seguidores dos Bolechas por poder facerse con produtos da popular familia.

Tanto a compra como o pago son moi fáciles e intuitivos, aínda que en todo momento hai teléfono e email para contactar en caso de dúbida. Ademais, A Tenda dos Bolechas cumpre os máis altos estándares de seguridade de compras en Internet e permite pagar por transferencia bancaria, tarxeta de débito e crédito ou a través da plataforma Paypal.

Os pedidos recíbense no prazo de 3 a 5 días laborables para toda a península así como as illas Canarias e Baleares, Ceuta e Melilla. A web inclúe unha área destinada a clientes onde poder ver as compras realizadas, seguir o estado do envío, facer diversos trámites e mesmo ver os vales desconto.