Hai uns meses saíron á venda os primeiros títulos desta colección que agora se completa co resto dos principais personaxes da popular familia. O éxito dos primeiros títulos adicados a Carlos, Tatá e Chispa quedou patente nas vendas rexistradas, tanto que algún personaxe está totalmente esgotado desde hai tempo.

Agora os seguidores dos Bolechas poderán elixir o seu favorito entre todos ou completar a colección e coñecer todos os segredos dos irmáns e do seu inseparable Chispa. Todos os libros están á venda nas librarías e na Tenda dos Bolechas. Editados por Bolanda, trátase de publicacións de tapas duras e gran formato que serven para dar a coñecer a cada un dos personaxes: canto pesan e miden, que número calzan, onde dormen, cal é a súa comida favorita, como é o seu cepillo de dentes ou como eran de bebés…

Os novos títulos dispoñibles xa á venda son:O libro de Braulio, O libro de Pili, O libro de Loli e O libro de Sonia que se unen aos xa existentes –a excepción do de Chispa, que está esgotado–. O seu prezo é de 17 euros, incluído o peluche do personaxe protagonista.