Para celebrar o Entroido e premiar a fidelidade e o cariño dos nosos socios e socias, vimos de crear unha nova actividade que é, ademais, un divertido agasallo moi propio destas datas. Trátase dun pack de Entroido no que se inclúen todas as caretas dos Bolechas e un festón para decorar a casa durante estes días e non esquecer que estamos nunha das datas máis divertidas e falcatrueiras do ano.

Para facerse co lote tan só hai que ir á zona privada desta web, “Únete ao club”, ou directamente ao enlace http://bit.ly/1hxEeef. Se xa sodes socios do club, só tedes que entrar co voso usuario e contrasinal e ir á zona de xogos, onde atoparedes o de entroido.

Se non sodes socios, a páxina permite que vos fagades desde aí mesmo. Só vos levará dous minutos! E xa co voso usuario e contrasinal podedes entrar na zona privada da web e gozar deste lote de entroido e de todos os xogos dispoñibles.

Para facervos co material só tedes que darlle a “descarga” e imprimir o documento. Despois tan só hai que recortar as caretas para convertervos no voso Bolecha preferido. No caso da grinalda, tan só hai que seguir as sinxelas instrucións que veñen na folla: colorear as letras e os círculos, dobrar polas liñas marcadas e recortar pola liña de puntos.

E teredes un fantástico adorno de entroido feito por vós mesmos. Unha boa actividade para estes días de vacacións.

Que o pasedes moi ben!!!