O bo tempo animou a moitos coruñeses e a veciños doutras vilas próximas a achegarse ata a cidade para participar nesta festa promovida pola Consellería de Cultura, Educación e Ordenación Universitaria e pola Deputación da Coruña, en colaboración co Concello da Coruña con motivo das Letras Galega.

No acto estivo tamén o creador dos Bolechas, Pepe Carreiro, quen asinou libros aos moitos fans que ten esta familia. Moitos deses contos foron os que se sortearon ao longo da tarde entre os asistentes; en total medio cento de libros coas historias máis divertidas de Carlos, Braulio, Sonia, Pili, Loli, Tatá e, como non, Chispa.

Moitas grazas a todos os que nos acompañastes e non esquezades que podedes ver os mellores momentos da tarde no álbum de Facebook. Agardamos volver a vervos moi pronto a todos!!