Os novos Bolechas corpóreos, estreados onte mesmo en Xove, estarán mañá, sábado 20 de decembro no Coruña The Style Outlets, o centro comercial situado xunto ao aeroporto de Alvedro.

Os seis irmáns, xunto co seu inseparable Chispa –máis protagonista que nunca na súa nova pel– chegarán ao establecemento ás 18.00 h e permanecerán alí ata as oito da tarde. Neste tempo saudarán e fotografaranse con todos os que queiran achegarse a saudalos.

Os Bolechas irán nesta ocasión acompañados polo seu R4 e polo fotomatón, que permitirá a todos os que o desexen retratarse cos Bolechas e recibiren a foto no seu correo electrónico, para ter un recordo desta cita.

Unha boa ocasión para ver e tocar Os Bolechas este Nadal. Non faltedes!!