O obxectivo principal e sensibilizar na igualdade de xénero e previr a violencia de xénero dende idades temperás xa que na infancia é cando adquirimos a identidade de xénero. A lectura supón unha ferramenta máis na educación das nenas e nenos que lles permite aprender a converterse en persoas con determinados valores, entre eles, a igualdade de xénero. O Concello realizou un reparto de exemplares nos centros de ensinanza para dar a coñecer esta publicación entre o alumnado.

Á presentación do libro do libro As nenas e os nenos de Negreira pola igualdade e contra a violencia de xénero acudiu o alcalde de Negreira, Manuel Ángel Leis Míguez e a concelleira de igualdade, Mar García Vidal. Así mesmo, asistiron a directora e asesora xurídica do CIM, Rosa Fuentes e a psicóloga, Natalia Súarez. Dita acción foi subvencionada pola Secretaría de Igualdade.