A Dirección Xeral de Tráfico, dependente do Ministerio do Interior, presentou unha nova campaña de educación viaria destinada aos máis novos co fin de “velar pola súa seguridade nas diferentes formas de desprazamento”, apostando por unha “mobilidade saudable, sostible e segura”. Así o indicou o delegado do Goberno en Galicia, Santiago Villanueva, que presidiu o acto de presentación ao que asistiron tamén o alcalde de Ames e autoridades da DXT.

Galicia foi o lugar elixido para a presentación desta nova campaña por ser o lugar de orixe dos protagonistas da mesma, Os Bolechas, todo un fenómeno nesta comunidade e unha auténtica revelación no resto do Estado desde que o pasado ano comezasen a emitirse en diversas televisións autonómicas. Trátase de seis irmáns que xunto ao seu inseparable mascota viven aventuras cotiás que han calado entre o seu público converténdoos en todo un referente infantil dos últimos anos.

A DXT, en colaboración con Pepe Carreiro, aborda o tema da educación viaria plasmando as vivencias desta familia en cinco historias que conforman esta colección, e incorporando unhas primeiras nocións de seguridade viaria co fin de que vaian interiorizando determinados conceptos de forma amena e divertida.

Miles de exemplares impresos e unha web

En total son cinco libros: Os Bolechas van en autobús, Os Bolechas van en coche, Os Bolechas van á escola, Os Bolechas van pola rúa e Os Bolechas van en bicicleta, aos que se suma un caderno para pintar e realizar actividades relacionadas coa seguridade viaria. E todo iso de modo ameno e moi didáctico, características indisolubles desta serie que forxaron boa parte do seu éxito en toda a península.

Para introducir aos máis pequenos no mundo da educación viaria editáronse varios miles exemplares dos contos e o caderno de actividades, aos que pronto se unirá unha páxina web interactiva na que se poderá completar información e acceder a máis xogos e actividades relacionados coa seguridade viaria, de modo que todas as nenas e nenos teñan acceso a este material de gran valor pedagóxico. A finalidade desta ferramenta é servir de axuda, tanto á DXT como a pais e educadores, para traballar conceptos de educación viaria cos máis pequenos.

A presentación da campaña no concello coruñés de Ames contou coa presenza de máis de 600 escolares do municipio que gozaron tanto da presenza dos Bolechas e do seu autobús de dous pisos repleto de actividades como dos espectaculares medios técnicos despregados pola Dirección Xeral de Tráfico, entre eles o seu helicóptero Pegasus, pero tamén coches radar, coches da policía local, motos e persoal que lles explicou como traballan neste servizo para previr accidentes e lograr reducir ano a ano o número de sinistros e de vítimas nas estradas.