Nesta nova odisea, os irmáns dan a coñecer diferentes disciplinas deportivas na súa “Radiolímpica”, co gallo da celebración das Olimpíadas en París, e animan ao uso do galego durante a súa práctica viaxando nunha caravana itinerante. Con todo, os Bolechas viaxarán por toda a xeografía galega coas súas aventuras para ensinar as vantaxes de practicar deporte e levar unha vida activa.

“Os Bolechas deportistas e a súa Radiolímpica” é un espectáculo ao aire libre que combina o teatro de monicreques con explicacións, preguntas e probas pensadas para que participen nenos e nenas de 4 a 9 anos e as súas familias. Nesta nova proposta, os Bolechas pretenden promover o uso da lingua e cultura galegas, así como dinamizar o ocio en galego a través da aprendizaxe e o lecer. Esta iniciativa enmárcase dentro do FalaRedes, un programa de dinamización lingüística da Secretaría Xeral de Política Lingüística da Xunta de Galicia.

A través dun teatro de monicreques e outras actividades complementarias a pé de rúa como sorteos de libros, a iniciativa pretende espallar a sabedoría e as ganas de pasalo ben que acompañan a familia, así como fomentar o uso da lingua galega no ámbito deportivo. Os Bolechas Deportistas contribúen a fomentar o idioma galego e a importancia de exercitarse entre as nenas e os nenos para levar unha vida activa. 

Unha quincena de concellos

Cun total de quince actuacións, o concello de Porto do Son será a primeira parada da familia o 14 de agosto, seguido de Poio, Cortegada, Folgoso do Courel, Baiona, O Pereiro de Aguiar, Bande, Vigo, Vilagarcía de Arousa, Arzúa e A Peroxa. A derradeira excursión dos Bolechas será o sábado 31 de agosto, no municipio de Ponteareas.

14 de agosto. PORTO DO SON. 21 horas. Praza de España

15 de agosto. POIO. 20 horas. Porto de Raxó

16 de agosto. CORTEGADA. 20 horas. Praza Bos Aires

18 de agosto. FOLGOSO DO COUREL. 18 horas. Praza do Concello

19 de agosto. BAIONA 20 horas. Praza do Concello

22 de agosto. O PEREIRO DE AGUIAR. 12 horas. Ceip Plurilingüe Ben-Cho-Shey

22 de agosto. BANDE. 20 horas. Praza da Constitución

25 de agosto. VIGO. 12 horas. Museo do Mar

25 de agosto. VILAGARCÍA DE AROUSA. 19.30 horas. Praza de Galicia

28 de agosto. ARZÚA. 12 horas. Praza de Galicia

30 de agosto. A PEROXA. 12 horas. Recinto Feiral da Peroxa

31 de agosto. PONTEAREAS. 19 horas. Praza Maior

14 de setembro. MONDARIZ. 19 horas. Praza de España

15 de setembro. O PORRIÑO. 18 horas. Praza Arquitecto Antonio Palacios