Ata o vindeiro domingo, todos os seguidores da páxina dos Bolechas en facebook (www.facebook.com/osbolechas), poderán partipar no concurso organizado con motivo das Letras Galegas. Os Bolechas queren facer unha homenaxe á nosa lingua xogando coas palabras. Nesta ocasión non se trata de escoller a palabra máis bonita, a intención é divertirse co galego. Cada participante deberá escribir palabras ou expresións mal ditas en galego por os máis cativos que, se ben non son correctas, son curiosas e simpáticas.

Os cinco concursantes máis votados terán regalo seguro. A Biblioteca Básica Os Bolechas é o agasallo estrela. O agraciado será seleccionado mediante sorteo entre os finalistas. Os catro participantes que non resulten gañadores serán obsequiados cun xogo de sete chapas coa imaxe dos seis irmáns Bolechas e o seu can Chispa.

A Biblioteca Básica Os Bolechas é unha das últimas novidades editoriais dos Bolechas. A colección está formada por doce tomos cun alto valor pedagóxico e ven acompañada da muuulecha, a maleta correcamiños dos Bolechas.

Para participar no concurso hai que entrar na páxina de Facebook dos Bolechas ou acceder a través do seguinte enlace: http://goo.gl/WYRCk.